’t Goo doel

't goo doel van 2025 is:
"Stichting Rise Up"

Stichting Rise Up hef as doel det iederene in oonze gemeente ‘n leawn zoonder oarmood hef. Viej veendt het heel jammer det ‘r ook in Riessen-Hooltn kleane wichter zoonder moarn-etn noar skole hen goat of det leu zoonder oawend-etn noar berre munn. Viej hebt ‘r hartzear van det disse leu der nit biej heurt umdet ze nit köant trakteern op ’n verjöardag of gin fesoenlijke kleare of skone hebt. Um det te veraandern, helpe viej dee gezinn dee ‘t möaite hebt um roond te kommen.