keze- en wors-oawnd 2026
Kuj gin Riessens? Klik hier voor de vertaling in het Nederlands. ;-)
Kuj wah Riessens? Leest dan veda!
Het is alwier zo wied: ’t is wier keze- en worst-tied.
Veur degennige den der nog nooit is ewes: seempel gezegd nen gezelligen oawnd woer a’j leu sprekt dee;j aans nit sprekt. En iej doot ‘n poar ceant in ne tonne vuur ’t goo doel. Veen iej ‘t lastig um met lös geeld oawer de stroate te goan? Viej hebt er ook ne QR-code biej hangn.
Het goo doel vuur 2026
Oet ne vuurselectie van nen hoop goo doelen he’w ook dit joar ekeuzen vuur een good doel met nen plaatselijken inslag.
Dit plaatselijke doel is Agathos (oonderdeel van de Stichting Lelie Zorggroep).
Viej hebt Aline Voortman en Coby Gerritsen evroagn um wat te vertellen oawer Agathos en ook woer het geld vuur wordt gebroekt.
Agathos in 1 zinne:
Agathos is ne reformatorische hulpverleningsorganisatie en oonderdeel van de landelijke Leliezorggroep met ne ofdeling in Riessen.
Wat dut Agathos Riessen?
Agathos Rijssen helpt wichter, jonge leu, grootn en gezinnen met allemoal slim verschillende meuilijkheden. Det kan goan um problemen biej ’t opvoodn, relaties, gedrag en psychische klachen. Viej behaandelt alle leu zoonder te kieken noar wat ze geleuwt. Ondaanks alle goo zorgen, zeent ‘r in Riessen en ‘n umtrek nog alverdan gezinnen woer ‘t elken dag vechen is um de ceanten. Vake geet um dinge dee’j nit heurt, achter de vuurdure bliewt en woer ‘t oolders en wichter slim an liedt. Vanoet Agathos komme viej biej de leu achter de vuurdure um te helpen en zee’w dee gevallen woer ’t oe harte van brek. Hele noare gevallen met spanningen duur geeldgebrek en woer alns allene mear slimmer wordt duur emotionele meuilijkheden. Kleane doelmoatige financiële hulpe kan in zukke umstandigheden al nen hoop verbettern.
Woer goat ze de ceantn vuur gebroeken?
Wat ‘r binnenkeump kan bevuurbeeld gebroekt worden vuur:
* tiedelijke praktische oondersteuning (bevuurbeeld boskoppen, schoolkösten of ‘t neurige materiaal)
* oolders dee ’t gin geeld hebt vuur een keenderfeestje
* een stel oolders det biej oons in de zorg zit en dee ’t gin geeld hebt um de invalidenbusse te loaten maken en doarumme heel völle möaite munn doon um in ’t zekenhoes te kommen vuur nen ofspraak
* en zo verdan en zo wieter
Hartelijke grooten,
Coby Gerritsen 06-10857634
Aline Voortman 06-12116901
Wil iej ook met oew logo of adverteantie op ’t scherm? Dan mu’j oe efkes anmeeldn.
Det kan hier: KLIK!
Gin zin om oe an te meeldn? Komt dan gewoon zoonder oe an te meeldn. Viej zeent er wal.
Keze- en wors-oawnd kort:
Woerumme: gezelligheaid, netwoarkn en goo doeln steunen
Wonnear: 19 meart 2026 van 19.00 tot ’t leste um 00.00 uur
Woer: biej Hevotec in de hal an de Heliumstroate nummer 12 in Riessen
Hartelijke grootn
Ronald Vrijenhoek (Connectium)
Maarten Steunenberg (Hevotec)
Kuj gin Riessens? Klik hier voor de vertaling in het Nederlands. ;-)
